Wahalifu wa Kichina wakamatwa Angola

Raia 37 wa Uchina wamerejeshwa nyumbani kutoka Angola, ambako walikamatwa kwa tuhuma za kufanya uhalifu dhidi ya Wachina wenzao.

Uhalifu huo ni pamoja na utekaji nyara, kunyang'anya watu pesa, wizi kwa kutumia silaha, na kulazimisha wanawake wauze miili yao.

Kikosi maalumu cha polisi wa Uchina kilitumwa Angola kushirikiana na polisi wa huko dhidi ya magengi ya Wachina yaliomo Angola.

Wizara ya Uchina ya usalama inasema magengi 12 yalivunjwa.

Wizara hiyo ilisema hii ni mara ya kwanza kwa polisi wa Uchina kufanya msako mkubwa kama huo dhidi ya wahalifu wa Kichina katika bara la Afrika.

WAZIRI WA UCHUKUZI MWAKYEMBE AENDELEZA WIMBI LA KUTIMUA MAFISADI KATIKA MAMLA YA BANDARI.

WAZIRI wa Uchukuzi, Dk Harrison Mwakyembe amemsimamisha kazi Mkurugenzi Mkuu wa Mamlaka ya Bandari Tanzania (TPA), Ephraim Mgawe, wasaidizi wake wawili na Meneja wa Bandari ya Dar es Salaam, Cassian Ng'amilo kupisha uchunguzi wa wizi wa vitu mbalimbali yakiwamo makontena 40 ya vitenge, katika Bandari ya Dar es Salaam.

Dk Mwakyembe alitangaza uamuzi wake huo jana jijini Dar es Salaam, akiendeleza kile alichokifanya Juni 5 mwaka huu alipomtimua kazi aliyekuwa Kaimu Mkurugenzi Mtendaji wa Shirika la Ndege Tanzania (ATCL), Paul Chizi.

Hata hivyo, waziri huyo hakutaja majina ya vigogo waliosimamishwa na badala yake alitaja nafasi walizokuwa wakizishikilia ambazo ni pamoja na Meneja wa Kituo cha Mafuta ya Ndege Kurasini (Kurasini Oil Jet - KOJ), Meneja wa Kituo cha Mafuta JET na mhandisi wa mafuta wa kituo hicho, baada ya kubainika kuwapo kwa wizi wa mafuta.

Kutokana na uamuzi huo, Dk Mwakyembe amemteua Mkurugenzi wa Usalama na Mazingira katika Wizara ya Ujenzi, Injinia Madeni Kipande kukaimu nafasi ya Mgawe.

Gazeti hili lilimtafuta Mgawe kwa simu kuzungumzia uamuzi huo, lakini simu yake ya mkononi ilikuwa ikiita muda wote bila majibu na wakati mwingine kukatwa.

Uamuzi huo umekuja baada ya kuwapo kwa taarifa za kupotea kwa makontena takriban 40 ya vitenge na vitu mbalimbali, yaliyokuwa yakipelekwa nchi jirani.

Dk Mwakyembe alisema ameunda kamati ya watu saba ambao hakuwataja majina ili kuchunguza wizi huo na kwamba amewapa wiki mbili tu, wawe wamekamilisha kazi hiyo.

“Nimeunda kamati ya kuchunguza suala hili, nimewapa hadidu za rejea zenye maswali 50..., majina ya waliopo katika kamati hii siyatangazi kwa sasa kwa sababu zangu binafsi,” alisema Dk Mwakyembe.

Alisema amechukua uamuzi huo baada ya kukutana na Bodi ya Wakurugenzi ya TPA juzi na kwamba hawezi kuvumilia kuona nchi inakosa mapato kwa sababu ya wizi uliokithiri.

Alisema kwa muda mrefu katika bandari hiyo ya Dar es Salaam, kumekuwa na malalamiko ya wizi wa vitu mbalimbali, ikiwa ni pamoja na ule wa vifaa vya magari, mafuta na kukithiri rushwa.

Alifafanua kwamba wizi huo umesababisha Bandari ya Dar es Salaam kukimbiwa na wateja ambao hivi sasa wanatumia bandari za Kenya, Msumbiji na Afrika Kusini.

“Makontena yanaibwa kama njugu, hivi sasa watu wa Rwanda, Uganda DRC hawaitumii tena Bandari ya Dar es Salaam, wanaona bora waingie hasara na wameanza kupitisha mizigo yao katika Bandari ya Mombasa Kenya, Beira nchini Msumbiji na Durban Afrika Kusini,” alisema Dk Mwakyembe.

Dk Mwakyembe alisema kuwa hivi karibuni mfanyabiashara mmoja mwanamke alitishia kuhamia nyumbani kwake, baada ya kuibiwa kontena zima la vitenge vilivyokuwa na thamani ya dola 180,000 za Marekani.

“Ni mambo ya ajabu sana hatuwezi kuwa na maendeleo kwa masuala ya ‘kisanii’ kama haya, nimeamua hivi kutokana na mamlaka niliyonayo na uamuzi nitakaouchukua najua wenzangu watanielewa,” alisema.

Wakati akieleza majukumu ya Mamlaka hiyo alisema, “Nimewataka TPA watambue majukumu yao jinsi yalivyo nyeti, nimewaeleza wazi kuwa imani ya wananchi imepungua sana kwa mamlaka hiyo.

“Kama waziri mwenye dhamana sitakuwa tayari kuona jambo hili linaendelea, hili suala haliwezi kuachwa likaendelea ni lazima uchunguzi ufanyike.”

Dk Mwakyembe alisema kuwa ameiagiza bodi ya wakurugenzi, kitengo cha sheria TPA kiuchambue upya mkataba wa Kampuni ya Kupakia na Kupakua Makontena katika Bandari ya Dar es Salaam (Ticts) na kumpatia taarifa Jumatano ijayo.

“Kontena likiwa na vitenge hata ukiweka askari 40 linaondoka, tumepoteza wateja wengi na watu wanaona bora kukimbilia bandari nyingine, nimewaagiza wauchambue upya mkataba huu,” alisema Dk Mwakyembe.

Agizo

Alisema ili kukomesha rushwa ameitaka Bodi ya Wakurugenzi TPA, kuanzia Septemba mosi mwaka huu kuacha kutumia utaratibu wa kulipa fedha dirishani, badala yake fedha zote zilipwe kupitia benki.

“Mtindo wa malipo ya fedha dirishani ndiyo unachochea wizi unaofanywa na mtandao wa kisanii pale TPA. Nimeagiza malipo yote yafanyike kupitia benki au kwa njia zozote za teknohama kuanzia Septemba mosi,” alisema Dk Mwakyembe na kuongeza:

“Kama malipo haya yakiendelea mwezi ujao watakaolipa waandike tu wenyewe barua za kuacha kazi, kampuni ndogondogo nchini zinalipa fedha kupitia benki, kwa nini TPA washindwe?”

Aliongeza kuwa ameiagiza bodi hiyo kuangalia upya mfumo mzima wa uongozi wa TPA na bandari kwa kuwa kuna viongozi wana mamlaka makubwa wakati vyeo vyao ni vidogo.

“Meneja wa bandari ana mamlaka makubwa kiasi kwamba utendaji kazi ndani ya bandari unasuasua wakati wapo viongozi wa juu yake,” alisema Dk Mwakyembe.

Wizi wa mafuta

Akizungumzia wizi wa mafuta, Dk Mwakyembe alisema katika kituo cha KOJ kuna wizi mkubwa wa mafuta ambapo wahusika wakibanwa hutoa kisingizio kuwa mafuta yanayochukuliwa ni machafu.

“Mafuta yale siyo machafu, hiyo imekuwa ndiyo biashara yao kila mwaka, ndiyo maana tenda ya mafuta machafu inagombewa sana, tumefuatilia na kugundua kuwa yanapelekwa katika vituo mbalimbali vya mafuta nchini” alisema Mwakyembe na kuongeza:

“Niliwahi kwenda katika eneo lile saa 12 asubuhi na kukuta malori yanajaza mafuta. Niliuliza lori lina uwezo wa kupakia lita ngapi, kuanzia meneja mpaka watu wa chini kabisa walishindwa kunijibu.”

Alisema kutokana na kitendo hicho, amechukua sampuli ya mafuta hayo na kuyapeleka Mombasa, Kenya kuyapima ili kugundua yana kiwango cha mafuta masafi kwa asilimia ngapi.

Alisema kuwa malori hayo yana uwezo wa kupakia lita 26,000 za mafuta lakini wahusika wanadai kuwa yanaweza kupakia lita 9,000 tu.

“Mafuta haya huibwa wakati yakitolewa katika meli na kupelekwa katika magari, karibu asilimia mbili nzima ya mafuta huibwa, kiwango ambacho ni kikubwa sana,” alisema.

Alisema kutokana na hali hiyo ameagiza kurejeshwa kwa kifaa cha kupimia wingi wa mafuta katika malori ya mafuta, ndani ya mwezi mmoja kuanzia jana.

Aanika ufisadi

Alisema kampuni ya Singirimo iliyopewa zabuni ya kusafirisha mafuta machafu, mkataba wake ulishaisha siku nyingi, lakini bado inaendelea na kazi hiyo na kwamba mwaka 2008, Ikulu iliwahi kueleza kuwa kampuni hiyo ni kinara kwa kusafirisha mafuta masafi na kudai machafu.

“Kampuni hii kila mwaka inashinda tenda ya kusafirisha mafuta tu, hivi sasa inachunguzwa na Ewura na Takukuru, nimeagiza mamlaka husika kwamba kampuni hii isijihusishe tena na usafirishaji wa mafuta ili kupisha uchunguzi,” alisema Dk Mwakyembe na kuongeza:

“Kampuni iliyokuwa namba mbili katika utoaji wa tenda ndiyo ipewe jukumu hilo na kama isipopewa ndiyo nitajua kuna kitu kinaendelea.”

Alisema kuwa mwaka 2008 Ikulu ilisema kuwa kampuni ya Singirimo ni ya wafanyakazi na vigogo wa TPA na inasafirisha mafuta masafi na kudai kuwa ni machafu.

KIAMA CHA MAFISADI WALIOFICHA MABILIONI YA FEDHA NCHINI USWISI CHAJA.

                                        Zitto Kabwe.

 MBUNGE wa Kigoma Kaskazini (Chadema), Zitto Kabwe ameahidi kuwataja wanaohusika kuficha mabilioni ya fedha nchini Uswisi katika kikao kijacho cha Bunge Oktoba, mwaka huu iwapo Serikali itashindwa kufanya hivyo hadi muda huo.

Wakati Zitto akisema hayo, kashfa hiyo imechukua sura mpya na sasa fedha hizo zinahusishwa na ufisadi katika Kampuni ya Meremeta.

Kauli ya Zitto ambaye pia ni Naibu Kiongozi wa Upinzani Bungeni, imekuja siku chache tangu Waziri wa Ushirikiano wa Afrika Mashariki, Samuel Sitta kuwataka wanaowafahamu walioficha fedha hizo kuwataja hadharani ili iwe rahisi kwa Serikali kuwachukulia hatua.

Hata hivyo, Zitto akizungumza na gazeti hili jana alisema: “Mimi ni mbunge makini ninayefahamu taratibu za Bunge na kuheshimu haki za watu wengine, siwezi kukurupuka katika suala hili. 

Ninaiachia Serikali na vyombo vyake iendelee kulifanyia kazi na ikiwa watashindwa kuwataja wahusika, basi wasubiri kikao kijacho, nitaweka hadharani majina ya wahusika wote.”

Zitto alisisitiza kuwa Serikali ina uwezo wa kupata taarifa zozote inazozihitaji kutoka Uswisi na kwamba ndiyo maana ameipa muda wa kulifanyia kazi suala hilo kabla yeye hajachukua hatua ya kuwataja wahusika.

“Sikia, lazima tukubaliane jambo moja kwamba mimi siyo Serikali, wala sina dola, ndiyo maana nasema kwamba tusubiri utekelezaji wa ahadi ya Serikali, lakini wakishindwa kuwataja, basi mimi nitatumia nafasi yangu kama mbunge kuwataja na nitafanya hivyo ndani ya Bunge na wala siyo nje ya hapo,” alisema.

Uchunguzi zaidi wa gazeti hili umebaini kuwa kiasi cha Dola za Marekani 186 milioni (takriban Sh300 bilioni) kwa viwango vya sasa vya kubadilishia fedha ambavyo ni Sh1,600 kwa Dola ya Marekani, kimefichwa katika benki tatu tofauti za Uswisi.

Uchunguzi zaidi unabainisha kuwa takwimu hizo ni rasmi kwani zimetolewa na Benki Kuu ya Uswisi, lakini taarifa zaidi zinadai kuwa kuna fedha nyingi zaidi zilizofichwa na Watanzania katika benki nyingine nchini humo ambazo taarifa zake zinaweza kupatikana ikiwa Serikali itasimamia vizuri suala hilo.

Watanzania 27 wameripotiwa kumiliki fedha nchini humo, na mmoja wao anadaiwa kwamba anamiliki Dola za Marekani 56 milioni (wastani wa Sh89.6 bilioni).

Kashfa ya kuwapo kwa vigogo walioficha fedha zao Uswisi iliibuliwa na baadhi ya vyombo vya habari nchini Juni mwaka huu na baadaye mwangwi wake kulitikisa Bunge katika Mkutano wake wa Nane uliomalizika hivi karibuni.

Habari hizo zilikuwa zikinukuu taarifa ya Benki Kuu ya Uswisi iliyoitoa na kuonyesha kuwapo kwa kiasi cha Sh315.5 bilioni zilizotoroshwa Tanzania na kufichwa nchini humo na vigogo ambao ni wanasiasa pamoja na wafanyabiashara.

Suala hilo pia lilijadiliwa katika kikao cha Bunge kilichopita, huku ikidaiwa kwamba fedha hizo zinatokana na biashara (deals) zilizofanywa na watendaji wa Serikali na wafanyabiashara kwenye sekta za nishati na madini na kwamba sehemu kubwa ya fedha zililipwa na kampuni za utafutaji mafuta na gesi katika Pwani ya Mkoa wa Mtwara zilizopewa mikataba kati ya mwaka 2004 na 2006.

Uhusiano na Meremeta
Habari zaidi zinadai kuwa fedha zilizofichwa Uswisi hivi sasa zina uhusiano na ufisadi kupitia Meremeta unaohusisha kiasi cha Dola za Marekani 132 milioni wastani wa Sh211.2 bilioni ambazo zilitoka Benki Kuu ya Tanzania (BoT), kwenda Benki ya Ned Afrika Kusini.

Fedha hizo zililipwa kama marejesho ya mkopo wa Dola 10 milioni (sawa na Sh1.6 bilioni tu, uliokuwa umechukuliwa na Kampuni ya Meremeta Ltd ambayo ilikuwa mali ya Jeshi la Wananchi Tanzania (JWTZ), ikishughulikia uchimbaji wa madini.

Utata katika malipo hayo ni uhalali wa ongezeko la Dola 122 milioni katika malipo hayo, kwani mkopo wa Dola za Marekani 10 milioni ulirejeshwa na faida ya zaidi ya asilimia 1,000.

Uchunguzi unaonyesha kuwa fedha hizo za marejesho tata zilifichwa katika benki moja (jina tunalihifadhi) nchini Mauritius, na baadaye kati ya 2005 na 2006 zilihamishiwa nchini Uswisi, ambako sehemu yake zipo kwenye akaunti ya kigogo ambayo inaongoza kwa kuwa na kiasi kikubwa cha fedha, karibu Sh90 bilioni.

Kashfa ya Meremeta ni ya muda mrefu na mara nyingi Serikali imekuwa ikikataa kuizungumzia kwa maelezo kwamba ni suala ambalo lina masilahi ya usalama kwa taifa.

Awali, Serikali ilisema kwamba Meremeta Ltd ni kampuni ya Kitanzania iliyokuwa ikimilikiwa na JWTZ kwa ajili ya mradi wake wa Nyumbu, Mkoa wa Pwani. 

Taarifa za usajili zilizotolewa na Msajili wa Kampuni wa Uingereza na Wales zinabainisha kuwa kampuni hiyo iliandikishwa nchini humo mwaka 1997 na baadaye ilifilisiwa hukohuko Uingereza mwaka 2006.

Taarifa ya Wakala wa Usajili wa Biashara na Leseni (Brela) ya Mei 31, 2005 inabainisha kwamba Meremeta Ltd ni tawi la kampuni ya kigeni iliyosajiliwa Tanzania, Oktoba 3, 1997 na kwamba hisa 50 za kampuni hiyo zilikuwa zinamilikiwa na Kampuni ya Triennex (Pty) Ltd. ya Afrika Kusini, wakati hisa 50 zilizobaki zilikuwa zinamilikiwa na Serikali ya Tanzania.

Utata kuhusu umiliki wa Meremeta Ltd unatokana na taarifa ya Brela ambayo pia inazitambua kampuni mbili za Kiingereza ambazo ni London Law Services Ltd na London Law Secretarial Ltd kuwa wamiliki wa hisa moja kila moja ndani ya Meremeta.

Licha ya Serikali kutokuwa mmiliki pekee wa kampuni hiyo, BoT ililipa madeni yote ya Meremeta badala ya kusaidiana na washirika wake ambao kisheria wanaonekana kuwa walikuwa wakimiliki hisa katika kampuni hiyo.

Serikali Tanzania ilikuwa ikimiliki asilimia 50 ya hisa na kwa mujibu wa taarifa za Mdhibiti na Mkaguzi Mkuu wa Hesabu za Serikali (CAG), uhalali wa malipo hayo ulikuwa na walakini kwani kiutaratibu, Nedbank Ltd ilitakiwa iachwe idai fedha zake kutoka kwa mfilisi wa kampuni hiyo kama ilivyo kwa wadeni wengine.

Meremeta bungeni
Kamati ya Bunge ya Nishati na Madini iliwahi kupewa idhini ya kuchunguza suala hilo, lakini Spika wa Bunge, Anne Makinda alilihamishia katika Kamati ya Mambo ya Nje, Ulinzi na Usalama.

Hata hivyo, uchunguzi huo haukuwahi kufanyika na Ofisi ya Spika pia haijawahi kutoa taarifa yoyote. Hivyo suala hilo kubaki kitendawili hadi leo.

Hatua ya Spika kuridhia uchunguzi ilikuja baada ya mvutano wa muda mrefu, uliotokana na hoja zilizokuwa zikitolewa na Serikali kwamba suala la Meremeta lisingeweza kufanyiwa uchunguzi kutokana na “sababu za kiusalama.”

Kumbukumbu za Bunge zinaonyesha kuwa Zitto aliwahi kuwasilisha barua kwa Katibu wa Bunge akitoa taarifa ya hoja ya kutaka kuundwa kwa Kamati Teule ya Bunge kwa ajili ya kuchunguza tuhuma za ufisadi kupitia kampuni hiyo ya uchimbaji wa dhahabu.

Zitto alitoa taarifa ya mdomo bungeni Julai 13, mwaka jana kwa mujibu wa Kanuni ya Bunge Namba 117 (2)-(a) inayomruhusu kutoa taarifa ya kusudio lake la kuwasilisha hoja ya kutaka Bunge liunde kamati teule.

Aliyekuwa Waziri wa Ulinzi na Jeshi la Kujenga Taifa, Dk Hussein Mwinyi (sasa Waziri wa Afya na Ustawi wa Jamii) aliwahi kusema bungeni kwamba halifahamu suala hilo kwenye majumuisho ya Bajeti ya wizara hiyo ya 2011/12.

TANZANIA YATAJWA KUWA MFANO WA KUIGWA KATIKA MASUALA YA KUWAPOKEA WAKIMBIZI KWA NCHI ZA AFRIKA YA MASHARIKI.

         RAIS WA JAMHURI YA MUUNGANO WA TANZANIA, JAKAYA MRISHO KIKWETE

MAKAZI YA MUDA YA WAKIMBIZI NDANI YA BARA LA AFRIKA.

 TANZANIA yatajwa kuwa mfano wa nchi inayopokea wakimbizi na baadae kuwapatia uraia wa nchi hiyo wakati Uganda ikilaumiwa kwa kuweka sheria kali.

Ongezeko la wakimbzi katika mataifa mbali mbali ya bara la Afrika limepelekea serikali ya Kenya chini ya wizara ya sheria kuandaa mkutano wa siku mbili mjini Mombasa, kujadili changamoto zinazowakumba na namma ya kuimarisha  ushirikiano baina ya wakimbizi na wenyeji.

Wajumbe kutoka mataifa ya Jumuiya ya Afrika mashariki na kati wanaoshiriki katika mkutano huo wamekubaliana kuhamasisha nchi zote husika ili kuanza kuondoa kasumba na unyanaypa  na kutomtizama kila mkimbizi  ni mhalifu au mwenye nia ya kufanya kitu kibaya ugenini.

Suala la ajira na rasilimali katika taifa linalowapokea wakimbizi limezungumziwa kuwa ni changamoto kuu hasa wenyeji wanapohisi kwamba wanatumia rasilimali zao pamoja na wageni.

Mfumo uliotumika na nchi ya Jamhuri ya kidemokrasi ya congo-DRC kuwapokea wakimbizi kutoka Rwanda na Burundi tangu mwaka 1971 umejadiliwa katika mkutano huu wa Mombasa.

Kenya ni moja wapo ya nchi inayowapatia hifadhi wakimbizi wengi, hasa kutoka Somalia, Ethiopia na Sudan Kusini, hata hivyo wale  wanaopatikana wanaingia nchini humo kinyume cha sheria wamekuwa wakiishia gerezani au kurejeshwa katika nchi wanazotoka licha ya kuwepo machafuko ya kisiasa yanayoendelea huko.

Wakati huo huo Tanzania imetajwa kama mfano mzuri katika nchi za kanda ya maziwa makuu iliyoleta mabadiliko makubwa kwa wakimbizi kwa kuwapa uraia. 

Huku Uganda ikisemekana kuweka sheria kali na kukosa kuwapa uraia wakimbizi walioishi  katika taifa hilo kwa miaka mingi.

OMBA OMBA MAARUFU MZEE MATONYA AFARIKI DUNIA.

 Mzee Matonya akiwa na mwanae Elizabath wakiwa katika Kijiiji cha Mpamantwa Tarafa ya Bahi Mkoani Dodoma. Picha hii ilipigwa 2010 wakati alipokwenda kwa mapumziko ya sikukuu ya Krismas.

  LICHA ya umaarufu mkubwa aliokuwa nao na kufahamika katika miji mingi nchini, ombaomba Paul Mawezi maarufu kwa jina la Mzee Matonya, amefariki dunia na kuzikwa katika mazingira ya ufukara mkubwa.

Matonya alizikwa jana kijijini kwake Mpamantwa, Wilaya ya Bahi, Dodoma akiwa amevishwa nguo moja nyeusi, huku mwili wake ukibebwa na watu wasiozidi 20, waliotumia ngozi kuu kuu ya ng’ombe.

Matonya aliyekuwa akisumbuliwa na ugonjwa wa kikohozi tangu Mei mwaka huu, alifariki dunia juzi usiku na kuzikwa jana saa saba mchana mita tatu kutoka katika nyumba yake ya tembe alimokuwa akiishi.

Ndugu na jamaa zake wa karibu walisema Matonya ambaye umri wake unakadiriwa kuwa zaidi ya miaka 90, hakuwahi kwenda kutibiwa hospitali kutokana na ukosefu wa fedha.

Mwandishi wetu alishuhudia idadi ndogo ya waombolezaji nyumbani kwa Matonya, huku watoto wake watatu waliokuwapo msibani hapo kati ya watano aliowaacha hai, wakisema kuwa baba yao amefariki kutokana na umaskini na ufukara.

“Hatukuweza kumpeleka hata hospitali kupata vipimo kwani hatukuwa na uwezo wa kwenda mjini Dodoma kutokana na kukosa hata nauli, ndiyo maana tumekuwa kimya hadi Mungu alipomchukua,’’ alisema mmoja wa watoto hao, David Paulo.

Umaarufu wa Matonya
Umaarufu wa Matonya ulitokana na staili yake ya kuomba kwa kulala chali barabarani, huku akiwa ameinua kopo juu bila ya kujali jua au mvua.

 Kwa nyakati tofauti alipinga mpango wa Serikali wa kumrejesha kwao Bahi na mara kadhaa alimweleza aliyekuwa Mkuu wa Mkoa wa Dar es Salaam, Yusufu Makamba kuwa yeye ni mtoto wa mjini hivyo asingemuweza. Aliingia Dar es Salaam kwa mara ya kwanza Desemba 7, 1961.

Katika siku za karibuni, alikuwa gumzo kwa Serikali na viongozi huku akipachikwa jina la Komandoo na Kiboko ya Makamba.

Baada ya kuondolewa Dar es Salaam, aliweka makazi yake mapya ya kuomba mkoani Morogoro hususan eneo la Darajani, ambako aliendeleza staili ya kuomba akiwa amelala chali na kuinua kopo juu kwa muda mrefu bila kuchoka.

Iliwahi kuvuma kwamba ombaomba huyo alikuwa na utajiri mkubwa, jambo ambalo mtoto wake mkubwa, Elizabeth Paulo alilipinga na kusema kwamba halina ukweli na hakuacha chochote.

Mke wa Marehemu Paulina alisema walitengana na Matonya zaidi ya miaka 37 iliyopita na wakati huo alikuwa na mali nyingi (ng’ombe).

“Tulipotengana tu, mimi nilirudi kwetu na watoto wangu walikuwa bado wadogo na bahati mbaya mdogo wake aliyekuwa akitunza ng’ombe (wa Matonya) alifariki dunia na huo ukawa ndiyo mwanzo wa kumaliza mifugo yote kwani watu waliwaiba wote,’’ alisema Paulina.

Matonya alirudi kijijini kwake Mpamantwa kwa ajili ya mapumziko ya Krismasi Novemba, 2010 akitokea Morogoro kama ilivyokuwa kawaida yake na tangu wakati huo hakurudi tena.

Makamba, Mashishanga wamlilia.
Akizungumzia msiba huo, Makamba ambaye alifanikisha mpango wa kumwondoa Matonya Dar es Salaam, alisema amesikitishwa na kifo hicho cha mtu aliyemtaja kuwa alikuwa rafiki yake mkubwa.

“Nasikitika nimempoteza rafiki mkubwa… Mimi nilimpenda lakini inaonekana Mungu amempenda zaidi,” alisema Makamba jana kwa simu.

Alisema urafiki wao ulianzia pale alipomwondoa Dar es Salaam na kumrejesha nyumbani kwao Dodoma, lakini baadaye akahamia Morogoro... “Alipokwenda Morogoro (Matonya) alisema ‘naipenda CCM, lakini simpendi Makamba.’ Waandishi waliponifuata wakaniuliza nikasema mimi nampenda,” alisema Makamba.

Alisema kauli yake ya kumpenda inathibitishwa na mkakati wake wa kutaka kumwondoa katika mazingira ya dhiki na jua kali wakati wa kuombaomba katikati ya Jiji la Dar es Salaam na kumpeleka kwao Dodoma, ambako angeweza kutulia na kuishi vizuri na ndugu zake.

“Alikwenda huko, lakini kwa bahati mbaya kama Waswahili wasemavyo, mazoea yana tabu, akarejea kwenye kazi yake mkoani Morogoro,” alisema Makamba.

Makamba ambaye baadaye aliteuliwa kuwa Katibu Mkuu wa CCM kabla ya kustaafu, alisema Matonya alikuwa mmoja wa makada wanaokipenda chama hicho tawala, hivyo licha ya kusikitika kupotelewa na rafiki, pia anasikitishwa na chama kumpoteza mmoja wa wakereketwa wake. 

Kwa upande wake, Mkuu wa Mkoa wa Morogoro mstaafu, Stephen Mashishanga alisema, Matonya alikuwa mzee maarufu na hakuwa mtu aliyependa makuu kwani kila alipotakiwa kuondoka mjini alitii.

Alisema kifo chake kimemsikitisha kama binadamu mwenzake hasa akikumbuka kuwa hakuwahi kumnyanyasa, akisema alikuwa ombaomba aliyependa kukaa eneo moja na kila aliyemwonea huruma alitoa sadaka yake.

“Alipotakiwa kuondoka, aliondoka lakini baadaye alirudi mahali ambako kuna masilahi; Hata ng’ombe hukimbilia mahali ambako anajua kuna nyasi za kutosha,” alisema Mashishanga.

Sunderland confirms Steven Fletcher signing from Wolves

Sunderland has confirmed the signing of Steven Fletcher from Wolves for a reported fee of 12 million pounds.

The Scotland international scored 12 times for the West Midlands club last season, but it was still relegated from the Premier League.

The Black Cats host Reading on Saturday afternoon and Martin O'Neill is delighted to have added some firepower to his ranks.

He told the club's official website: “It has been no secret that we needed to strengthen our attacking options and Steven has a proven track record of scoring goals.

“He is young and constantly improving and he will be a very welcome addition to the squad. I’m delighted that we’ve been able to bring him to Sunderland.”

Sunderland has been linked with Fletcher ever since he handed in a transfer request at the beginning of August, and the former Burnley forward joins Louis Saha on Wearside in a new-look front line.

Wolves signed Fletcher from Burnley for 7 million pounds in 2010 and will owe his former club 15 percent of the profit it will make on the striker.

Manchester United coach hails Buttner potential

 Rene Meulensteen has praised the Dutch defender following his arrival from Vitesse but has backed Patrice Evra to put up a fight in order to keep his spot at left back

  Manchester United first-team coach Rene Meulensteen has hailed the club's latest acquisition Alexander Buttner.

"We see him as an aggressive player who knows himself. He looks always at the future," he told Voetbal International.

The 23-year-old full-back signed a five-year deal with the Old Trafford club on Tuesday, after completing his move from Eredivisie side Vitesse.

And Meulensteen believes the Dutchman's potential will see him prove to be a shrewd buy for the Red Devils.

"We brought him in because of his potential. It's not without reason that he is on the brink of playing in the Dutch squad," Meulensteen said.

He added, "That's why I said: Buttner, that's not a bad player, when Ferguson asked me about him. United is three, four or five steps higher then Vitesse. On the training ground we will see quickly if he can cope with a higher level."

Despite waxing lyrical about the former Netherlands Under-21 international, the Dutch coach admitted that Patrice Evra will prove tough to budge from the first team.

"Patrice Evra is a very experienced left back. [Evra] will not let him play in the first team very soon," he insisted.

United is still without defenders Rio Ferdinand, Phil Jones, Chris Smalling and Johnny Evans for their game against Fulham on August 25.

Chelsea confirms Moses signing

The Blues have finally captured the 21-year-old Wigan attacker after a summer-long pursuit of the player, with the Latics accepting a bid believed to be in the region of £10m

 The Latics are believed to have accepted a bid in the region of 10 million pounds for the Nigerian international, with Roberto Di Matteo showing no let-up in spending during the current transfer window.

The Blues also confirmed the signing of Marseille fullback Cesar Azpilicueta earlier on Friday, and he joins Eden Hazard, Oscar, Marko Marin and Thorgan Hazard amongst this summer's new recruits at Stamford Bridge.

While Moses' switch to west London had stuttered due to Latics chairman Dave Whelan playing hardball in negotiations, the 75-year-old eventually relented to allow the Nigerian striker a move away from the DW Stadium.

Moses was snapped up by Wigan in January 2010 after he had established himself in the Championship with Crystal Palace.

STATS: United vs Fulham

 Manchester United fans hoping for a bright start to the season were disappointed as they were defeated by North West neighbours Everton in their first game

• There were some bright points from the game, with David de Gea putting in a great performance with seven saves in total, second only to Petr Cech who made ten saves on the opening weekend

• Paul Scholes and new signing Shiji Kagawa also shone in midfield and were each in the EA SPORTS Player Performance index’s top five for passes completed in the opponent’s half from the first games with 56 and 50 passes respectively

• Kagawa also covered more ground than any other player for United with 6.11 miles, ahead of the evergreen Paul Scholes with 5.68 miles

• Overall United completed 324 passes in Everton’s half during the game, a number bettered only by neighbours Man City in the opening fixtures

• United may also rue their chances having had 18 shots at goal, the second highest from the teams in their first matches

• Fulham fans will be delighted with their 5-0 win against Norwich in the first match of the season, with new signing Mladen Petric contributing a brace and Alex Kacaniklic also getting on the score sheet

• Fulham boss Martin Jol seems to have done some inspired business in the transfer market, as Kacaniklic also covered the most ground for the Cottagers with 6.2 miles and put in the third highest registered top speed in the Premier League with 23.05 miles per hour

• Fulham also covered the fourth highest amount of ground in the EA SPORTS Player Performance Index as team en route to the win with 61.73 miles

VILIO UPYA MSIBA WA KANUMBA BUKOBA

 MSIBA wa aliyekuwa staa wa muvi za Kibongo, Steven Kanumba umeanza upya kwenye Kijiji cha Izigo, Muleba, Kagera baada ya mama mzazi wa marehemu, Flora Mtegoa kuupeleka msiba huo huko sanjari na mchanga wa kaburi la Dar.

Akizungumza kwa masikitiko  makubwa, mama wa Kanumba alisema tangu kifo cha mwanaye hakuwahi kupeleka msiba kijijini kwake kama mila na desturi zinavyotaka.

Aliongeza kuwa hiyo yote ilitokana na kukosa muda kwani licha ya mazishi, bado watu mbalimbali kutoka nje na ndani ya nchi walikuwa wakiendelea kumiminika nyumbani kwake kwa lengo la kumfariji.

Alisema kuwa alipofika Kagera, alipokelewa na umati wa waombolezaji na msiba ulianza upya, jambo ambalo hakulitarajia.

“Nilipofika kijijini nilipokelewa na ndugu, jamaa na marafiki, kwa kweli msiba ulianza upya. Sikutarajia, watu walilia na kuomboleza,” alisema mama Kanumba.

Akaongeza: “Kwa kweli kutokana na hali ilivyokuwa, hata mimi mwenyewe nilijikuta nalia sana. Nilihisi siku hiyo ndiyo mwanangu alifariki dunia rasmi kwa jinsi watu walivyokuwa wakiomboleza.

Akaongeza tena: “Ilibidi tufanye mambo ya mila na desturi za Wahaya zikiambatana na kuzika mchanga niliouchota kwenye kaburi la Dar (Kinondoni).

Mama Kanumba alisema anamshukuru Mungu walizika salama (mchanga) na kwamba muda si mrefu alitarajia kurejea jijini Dar kutoka kwenye msiba huo.

 “Namshukuru Mungu tumezika salama kwa kweli, mimi mwenyewe naendelea vizuri huku nikinywa dawa za Kihaya, nakaribia kurudi Dar hivi karibuni,” alisema mama Kanumba.

Steven Charles Kanumba alifariki dunia Aprili 7, mwaka huu jijini Dar es Salaam kwa madai ya kusukumwa na Elizabeth Michael ‘Lulu’ ambaye anashikiliwa na vyombo vya dola.

PAPAA MSOFE MGONJWA GEREZANI

 MFANYABIASHARA maarufu jijini Dar es Salaam, Abubakar Marijani ‘Papaa Msofe’ ameripotiwa kuwa na hali mbaya gerezani kufuatia kukabiliwa na maradhi.

Taarifa hiyo ilitolewa na Mwendesha Mashitaka wa Serikali, Mwanaisha Komba wakati akimuomba Hakimu Mkazi wa Mahakama ya Kisutu, jijini Dar es Salaam, Agnes Mchome, kuahirisha kesi ya mauaji inayomkabili mshitakiwa huyo.

 Mwendesha mashitaka huyo alisema amepokea hati maalum kutoka Gereza la Keko, Dar anakoshikiliwa Papaa Msofe inayoeleza kuwa hali yake ni mbaya na asingeweza kufika mahakamani hapo.

Mwanahabari wetu alizungumza na mwendesha mashitaka huyo kutaka kujua zaidi kinachomsumbua mshitakiwa huyo lakini alisema kuwa taarifa alizopewa kutoka kwa afisa wa gereza hilo ni kwamba mshitakiwa ana hali mbaya hivyo asingeweza kufika mahakamani.

Mwanahabari wetu alizungumza na mmoja wa maofisa wa gereza hilo ambaye alidai matatizo yanayomkabili mshitakiwa ni mchafuko wa hali ya hewa, msongo wa mawazo na kutozoea mazingira ya gerezani.

“Si unajua hali ya gerezani? Kinachowaumiza wengi wakiwa kule ni msongo wa mawazo, kutojua hatima ya kesi zao na kutoyazoea mazingira,” alisema afisa huyo ambaye hakutaka kutaja jina lake kwa kuwa si msemaji wa jeshi hilo.

Kesi hiyo imeahirishwa mpaka Septemba 5, mwaka huu itakapotajwa tena mahakamani hapo.
Papaa Msofe anatuhumiwa kuhusika na mauaji ya mfanyabiashara Chasphori Kituli yaliyofanyika Magomeni Mapipa jijini Dar es Salaam

Risasi zafyatuliwa katikati ya New York

 Watu kadha wamepigwa risasi nje ya jengo maarufu la skyscraper mjini New York, Empire State Building, ambalo linavutia watalii.

Inavofahamika ni kuwa mwanamme mmoja alifyatua risasi naye mwenyewe alipigwa risasi na kuuliwa na polisi.

Meya wa New York, Michael Blomberg, alisema baadhi ya wale waliojeruhiwa pengine walipigwa risasi za polisi, lakini alisema majeruhi siyo mahtuti.

Mshambuliaji huyo ametajwa kuwa John Jeffrey Johnson - mpambi wa maduka ya nguo, ambaye alitolewa kazini mwaka jana.

Mtu aliyemuuwa ni mfanyakazi mwenzake wa zamani.
Eneo hilo la misafara mingi ya magari katika mtaa wa Manhattan, limefungwa na magari hayaruhusiwi kupita.

Sierra Leone yabanwa na kipindupindu

Serikali ya Uingereza inatayarisha msaada wa dharura kwa ajili ya Sierra Leone, ambako kipindu-pindu kimeuwa watu zaidi ya 200.

Uingereza inataraji kuwapatia watu maji masafi na kujenga mitaro kwa watu kama milioni mbili.

Uingereza imeanza kusafirisha kwa ndege zana za matibabu na wafanyakazi hadi Sierra Leone.
Watu zaidi ya 12,000 wameambukizwa ugonjwa huo mwaka huu.

HIVI ULIISIKIA HII KAULI YA CCM BAADA YA DR KAFUMU KUVULIWA UBUNGE NA MAHAKAMA.

                                                   Dr Dalaly Kafumu.

 Nafahamu kwenye vyombo vingi vya habari stori iliyochukua nafasi kubwa sana ni pamoja na hukumu iliyotolewa na mahakama iliyomuondoa kwenye ubunge aliekua mbunge wa jimbo la Igunga Dokta Dalaly Peter Kafumu.

Sasa stori mpya kuhusu hiyo hukumu imetoka kwa chama cha mapinduzi kwenyewe ambacho kimetefakari hukumu hiyo na kimejiridhisha kufanya uamuzi wa kukata rufaa kwa sababu haijaridhishwa.

Nape Nnauye ambae ni katibu wa halmashauri kuu ya CCM itikadi na uenezi amesema “tutakata rufaa kupinga uamuzi wa mahakama, hakuna kipya cha msingi ni kwamba tumeamua kukata rufaa, hatukuridhika na hoja zilizotumiwa na jaji kuutengua ushindi wa chama cha Mapinduzi na tunaamini kwenye rufaa tutashinda, hoja za Mahakama ni dhaifu sana”

PICHA ZILIZOTOLEWA NA MTANDAO WA NIGERIA ZIKIONYESHA MABINTI WANAOSHIRIKI MAPENZI YA JINSIA MOJA NIGERIA.

Kwa nchi kama Marekani na nyingine zilizoendelea sio kitu cha ajabu sana kwa watu kujionyesha hadharani kwamba wanashiriki mapenzi ya jinsia moja kutokana na nilichoona kwenye vyombo mbalimbali vya habari lakini kwa Afrika lazima itakua ni stori yenye uzito manake mpaka sasa japo wako wanaokubali kushiriki hayo mapenzi sijawahi kuona wakifanya hadharani kama hawa Wanigeria.
Mabinti wawili wanaoshiriki mapenzi ya jinsia moja kwenye mji wa Lagos Nigeria wameshindwa kujizuia na kujikuta wamevuka mpaka kwa kufanya kituko ambacho waliokua karibu wengine wamekichukulia poa huku wengine wakikasirika, hata hivyo mtandao wa Naijagists umeripoti kwamba wasichana hao walionekana wamelewa.