HUENDA CHANJO YA UGONJWA WA EBOLA ISIPATIKANE KABISA

                                                           Virus vya ugonjwa wa Ebola

Wanasayansi wanaoendesha utafiti kuhusu virusi vinavyosababisha ugonga wa Ebola, wameiambia BBC kuwa, chanjo inayoweza kutumiwa kuzuia maambukizi ya virusi hivyo huenda isifumbuliwe.

Wiki chahche zilizopita idara ya ulinzi ya Marekani, Pentagon, ilisitisha ufadhili wake kwa kampuni mbili ambazo zilikuwa zikiendesha utafiti huo.

Mmoja wa wataalamu katika jopo hilo amesema kuna uwezekano mkubwa wa chanjo hiyo itakayotumiwa kuzuia mkurupuko wa ugonjwa wa Ebola haitatumika.

Ugonjwa wa Ebola umetajwa kama moja ya magonjwa hatari na ya kuogofya zaidi ulimwenguni.

Virusi hivyo vinasababisha homa kali ambayo hufanya mtu kuvuja damu katika viungo vya ndani na hata kupitia sehemu zingine kama vile masikio, mapua na hata ngozi.

Wataalamu wanasema virusi hivyo ambavyo hushambulia chembe chembe nyeupe na mishipa ya damu na kusababisha mwasho wa ngozi, macho mekundu, kutapika na mauimivu ya viungo.

Katika miezi ya hivi karibuni watu 16, waliaga dunia Magharibi mwa Uganda, kutokana na ugonjwa huo.

Kufikia sasa hakuna tiba kamili ya ugonjwa huo ambao unaweza kusababisha vifo kwa asilimia 90 ya watu walioambukizwa virusi hivyo.

Mikakati ya kujaribu kufumbua chanjo ya kutibu na kuzuia virusi vya Ebola imefadhiliwa na Idara ya Ulinzi na Taasisi ya Kitaifa ya Afya nchini Marekani NIH.

Idara hizo mbili zimewekeza mamilioni ya dola kwa utafiti huku zikiwa na wasi wasi kuwa virusi hivyo vinaweza kutumiwa kama silaha za kibiolojia.

Kutokana na ufadhili huo, chanjo kadhaa zimefumbuliwa na tayari zimefanyiwa majaribio kwa wanyama na matokeo yake yamekuwa ya kuridhisha.

Kampuni mbili Sarepta na Tekmira tayari zimeanzisha majaribio ya tiba hiyo kwa binadamu.
Lakini kampuni hizo zimefahamaishwa na Idara ya Ulinzi ya Marekani kusitisha utafiti huo mwa muda
kutokana na ukosefu wa fedha.
Uamuzi wa mwisho kuhusu ikiwa ufadhili huo utarejelewa tena utatolewa

SIMBA NA AZAM ZAKABANA KOO LEO

 

 KLABU ya Mtibwa Sugar leo Jumatano itaingia mzigoni kupambana na Jamhuri ya Zanzibar katika mchezo mkali wa nusu fainali ya michuano ya Super 8, huku Simba ikiivana Azam.
Michezo yote hiyo itapigwa kwenye Uwanja wa Taifa jijini Dar es Salaam huku ule wa Mtibwa ukitacheza saa nane mchana.
Mashabiki wanasubiri mchezo huu kwa hamu kubwa na wanaamini kuwa utakuwa maalum kwa ajili ya kulipa kisasi cha mabao 3-1 ambacho Simba ilipata kwenye robo fainali ya Kombe la Kagame.
Akizungumza na Championi Jumatano, Meneja wa Mtibwa, David Gboya, alisema mechi hiyo itakuwa ngumu kutokana na kila timu kujiandaa vyema, ikiwa na lengo la kutwaa ubingwa.
Alisema timu yake itacheza kwa kujituma kama ilivyokuwa kwa mechi nyingine zilizopita, kwa kuwa wana kikosi bora na imara kutokana na usajili mzuri walioufanya.
“Sisi kama kawaida yetu tumejiandaa vizuri, kama unavyojua tunashindana ili tushinde, japokuwa kila timu iliyoingia kwenye michuano hii ina malengo ya kuhakikisha inatwaa ubingwa.
“Tunajivunia wachezaji wetu wapya na wa zamani kwa kuwa wamekuwa wakionyesha uwezo mkubwa kadiri siku zinavyosonga, nafikiri tutafanya vizuri na kuhakikisha tunazichukua sisi hizo milioni 40 anazopata bingwa,” alisema Gboya.

SIMBA SC KUWATAMBULISHA PHILIP OCHIENG NA DANIEL AKUFFO KWA WANAHABARI LEO

 

 

Salaam,

 

Tunawakaribisha kwenye mkutano wa waandishi wa habari leo saa sita kamili mchana kwenye ofisi za Makao Makuu ya Simba Mtaa wa Msimbazi jijini Dar es Salaam.

 

Dhima Kuu itakuwa ni utambulisho wa wachezaji wetu wapya wawili; Philip Ochieng na Daniel Akuffo.

Msikose tafadhali.

Ezekiel Kamwaga

Ofisa Habari

Simba SC

WANARIADHA WA TANZANIA WAAGWA RASMI MASHINDANO YA OLIMPIKI

 

Balozi Peter Kallaghe (nyuma mwenye shati jeupe) akiwa na baadhi ya wanamichezo wa Olimpiki. 

       Balozi wa Tanzania Uingereza, Mheshimiwa Peter Kallaghe amewapongeza wanamichezo wetu walioiwakilisha nchi katika Olimpiki kwa nidhamu ya hali ya juu na kuwataka wasivunjike moyo kwani sio sisi tu tuliokosa medali.
     “Wanamichezo wetu wameonyesha tabia bora kinyume na watu wa nchi nyingine waliofanya mambo ya aibu sana. Lazima tuwapongeze kwa kufikia viwango na kuibeba bendera ya Tanzania,”alisema. Akiongea katika tafrija ndogo kuwaaga wanamichezo saba, maofisa na makocha wao, Balozi Kallaghe alisisitiza kwamba  tusiwalaumu wanamichezo kwa kushindwa kwani kuna mataifa mengi yaliyokosa medali. Tafrija hiyo ilihudhuhuriwa na maofisa wote wa Ubalozi, wanahabari London na Balozi wa Rwanda Uingereza, mheshimiwa Ernest Rwamucyo.
    Kitakwimu ni asili mia kumi tu ya washiriki 10,500 waliocheza michezo 26 (toka mataifa 204) wakapata medali. “Kuna mataifa tajiri kama Ujerumani, Australia na India ambayo hayakufanya vizuri na pia wenzetu Afrika mfano Kenya na Ethiopia ambao hawakuridhika au kufikia nafasi waliyozoea miaka iliyopita.”
    Balozi aliitaja nchi ya Wafilipino (Philippines) yenye watu Milioni 93 ambayo ilikuwa na wachezaji 11 na haikuambulia kitu.  Kidesturi toka 1936, Wafilipino wamekuwa wakishinda medali katika mchezo wa ngumi.“Lazima tujiulize maswali ili kufanikiwa mashindano yajayo na kujitayarisha ndiyo msingi. Vipaji vingi vipo Tanzania. Tujaribu  kuangalia na kujiuliza wapi vilipo vianzio vya kuendeleza michezo yetu kutoka ngazi za chini maana uwezo wa kushinda tunao. ”
    Akipigiwa makofi balozi alimtaja mkimbiaji maarufu wa Uingereza mwenye asili ya Kisomali, Mohammed “Mo” Farah aliyefanya vibaya sana Olimpiki ya 2008, China. “Baada ya kushindwa kabisa Beijing, Mo Farah alijilaumu na kulia sana; ila hakuvunjika moyo; alirudi akajiandaa vizuri na matokeo yake mwaka huu kashinda medali mbili za dhahabu.”
     Naye mkuu wa msafara  Bwana Hassan Jarufu aliushukuru ubalozi wetu Uingereza kwa ukaribisho mzuri uliohakikisha kwamba wanamichezo wako sawa toka walipowasili hapa majuma mawili kabla ya Olimpiki.  Aliwataja pia wasaidizi wenyeji wa Uingereza, Alison Cochrane, Steve Wiseall na Lesley Shayler aliyewahi kuitembelea Bongo na kuipenda sana.“Hawa wamekuwa wenyeji wetu wazuri sana,” alisema.
    Bwana Jarufu alifahamisha kwamba wanamichezo wetu shurti kupongezwa kwa kujitahidi kufanya shughuli hii bila ajira au kazi maalum.
     “Kwa mfano wakimbiaji wa mbio za marathon wanatakiwa kiafya wakimbie mara nne tu kwa mwaka kusudi wawe tayari kwa mashindano makubwa, lakini kutokana na kukosa ajira au msaada wa kifedha wanalazimika kushindana mara nyingi zaidi ili waishi. Na si ajabu ukamsikia mmoja mmoja akilalamika kashindwa mashindano makubwa kama Olimpiki kutokana na majeruhi fulani mwilini.”
    Katika michuano ya siku ya mwisho Jumapili wanariadha watatu, Faustin Mussa, Samson Ramadhan na Mohammed Msondiki Ikoki walishiriki mbio za marathon na hawakupata medali yeyote.  Mshindi alitoka Uganda Stephen Kiprotich akifuatiwa na Wakenya: Abel Kirui na Wilson Kiprotich.

MTOTO AFARIKI DUNIA KWA AJALI YA GARI KIGAMBONI

                                              Gari hilo likiwa mtaroni baada ya kupinduka.

                                    Wananchi wakijaribu kuinua gari hilo kutoa mwili wa mtoto.

                                          Mwili wa mtoto ukiwa umenasa kwenye gari.

                         Mtoto na dereva ambao wamenusurika katika ajali hiyo wakiwa na simanzi

                          Mtoto aliyenusurika akimlilia mwenzake aliyefariki katika ajali hiyo.

                                                         Mwili huo ukitolewa kwenye gari.

                                                 Gari likitolewa katika mtaro huo.

                                   
MTOTO mmoja ambaye hakufahamika jina lake, amefariki dunia katika ajali ya gari eneo la Kigamboni Machava leo wakati gari hilo likitokea Mji Mwema kuelekea Kivukoni. Ajali hiyo imetokea baada ya gari hilo lenye namba za usajili T 645 AVG kufunga breki ghafla kutokana na gari lililokuwa mbele yake nalo kusimama ghafla hivyo kusababisha gari hilo kuingia mtaroni na kupoteza uhai wa mtoto huyo.

VURUGU ZA WACHIMBA KOKOTO ZAFUNGA BARABARA KIGAMBONI

WACHIMBA kokoto eneo la Kigamboni Maweni, leo wamezua vurugu baada ya kufunga barabara na kuchoma mataili kutokana na kuzuiliwa kuendelea kuchimba kokoto eneo hilo wakati wananchi wenye asili ya Kihindi wakiruhusiwa kuchimba. Polisi walilazimika kuingilia kati huku wakitumia mabomu ya machozi ili kutuliza ghasia hizo.

MWANAFUNZI ABAKWA, ANYONGWA, AZIKWA

                                 Kamanda wa Polisi Mkoa wa Dodoma, Bw. Zelothe Sephen.

 MWANAFUNZI wa darasa la saba Shule ya Msingi Hogolo, wa umri wa miaka 14 (jina limehifadhiwa) ambaye ni Mkazi wa Mtaa wa Ikulu Kijiji cha Hogolo wilayani Kongwa, mkoani Dodoma ameuawa kwa kunyongwa na kuzikwa kwenye shimo nyuma ya nyumba yao karibu na choo baada ya kubakwa.

Uchunguzi wa awali unaonesha kuwa chanzo cha mauaji hayo yaliyofanyika Jumamosi iliyopita ni wivu wa kimapenzi kwani marehemu enzi za uhai wake, anadaiwa alikuwa amevunja uhusiano na mpenzi wake wa muda mrefu, Heri Aboubakar na kuanzisha uhusiano mpya na Wilfredy Muhaha maarufu Kabo.

Hata hivyo bado haijafahamika muuaji halisi wa marehemu huyo licha ya polisi kuwashikilia watu kadhaa kwa tuhuma za kuhusika na tukio hilo akiwemo mpenzi wake wa sasa, Muhaha.

Mbali na Muhaha wengine wanaoshikiliwa Polisi ni Ashad Jafari ambaye ni mkulima na mkazi wa Mtaa wa Nyerere Hogolo ambaye ni rafiki wa marehemu na Rino Mazoea, mkulima na mkazi wa Ikulu Hogolo wilayani Kongwa ambaye ni kaka wa marehemu.

Kamanda Zelothe Steven alisema wanamtafuta Aboubakar ambaye amekimbia kijijini hapo na hajulikani alipo mpaka sasa. Katika tukio hilo, kaka wa marehemu ambaye pia anashikiliwa Polisi, katika maelezo yake ya awali alidai kusikia purukushani zikitokea usiku wa tukio hilo la mauaji lakini hakutoka usiku huo kushuhudia nini kinaendelea.

Marehemu alikuwa akiishi na babu na bibi yake hapo kijijini na siku ya tukio , walezi hao, walikuwa wameondoka kwenda katika vijiji vya jirani, ambapo bibi yake alikuwa amekwenda Kongwa kwa ajili ya kujengea makaburi na babu yake alikwenda Kijiji cha Banyi Banyi kutembelea wagonjwa.

mshuwa.blogspot.com

ALICHOSEMA SPIKA ANNAH MAKINDA KIFANYIWE KAZI KWENYE KATIBA KUHUSU WABUNGE HAWA.

NAMSHUKURU Mungu kwa kunipa afya njema iliyoniwezesha kuyaandika haya niliyokusudia. Nimshukuru pia kwa kutufanya Watanzania watu wapenda amani; jamani tudumishe amani hii ambayo ni kitu cha thamani kama lulu kwa kila Mtanzania.
 
Leo nitajikita zaidi kujadili kile ambacho  Spika wa Bunge la Jamhuri ya Tanzania, Anne Makinda amekitamka kwa kutoa ushauri wa bure kwa wabunge wa viti maalumu ambapo amesema kwamba, badala ya kuendelea kubweteka katika nafasi hizo, wajinasue sasa na kwenda kugombea majimboni kwani nafasi hizo zinawapotezea heshima mbele ya jamii.

Spika Makinda alitoa ushauri huo wiki iliyopita mjini Dodoma alipokuwa akizungumza na wabunge wanawake kwenye mkutano ambao pia ulihudhuriwa na Naibu Katibu Mkuu Mstaafu wa Umoja wa
Mataifa (UN), Dk. Asha-Rose Migiro aliyekwenda kuwashukuru wabunge hao kwa mchango wao aliosema ulichangia kumwezesha kuwa na utumishi wenye ufanisi katika umoja huo.

   Binafsi nimpongeze  Spika Makinda kwa kuwazindua wabunge hao ambao hakika wanaonekana kulala usingizi wa pono na kuridhika na nafasi hizo za viti maalumu bungeni, huku wakisahau kwamba ni nafasi ambazo zinapaswa kurekebishwa ndani ya katiba kwa kuwa hazisaidii na hatutaki kuona wanawake wakipendelewa kwani wana uwezo mkubwa katika kazi za kijamii.

Mfano mzuri ni Makinda mwenyewe, amekuwa mbunge wa jimbo tangu mwaka 1975. Anastahili pongezi na ana wajibu wa kuwakumbusha wanawake wenzake kwamba enzi za kupendelewa zimepitwa na wakati sasa.

Ndugu zangu wabunge wa viti maalum, ushauri alioutoa mama Makinda ni wa nia njema na niseme  wazi bila kumung’unya maneno kwamba  umetolewa wakati mwafaka wakiwa wanakaribia katikati ya kipindi cha utumishi wao wa miaka mitano bungeni.

Spika katika ushauri wake wa bure anasema wabunge wa viti maalumu wanaonekana kuringa na kujisahau kabisa kwenda majimboni, huku akionya kwamba kitendo cha kuendelea kubweteka kitakuwa kimewaangusha wanawake wa Tanzania, ambao alisema wanategemea ushiriki wao katika chombo hicho muhimu cha kufanya maamuzi.

Hakika kwa mtu anayeona mbali na kufikiri, hayo ni maneno makali ambayo pengine yatakuwa yameudhi baadhi ya wabunge hao kwa madai ya kudhalilishwa lakini ukweli ni kwamba nafasi za viti maalumu watu wengi wanazipinga na naamini katiba ya nchi ijayo itapiga teke nafasi hizo za upendeleo katika ulimwengu wa leo ambao Tanzania tumetoa mwanamke kushika nafasi ya juu katika Umoja wa Mataifa.

   Kusema kweli naiunga mkono kauli hiyo ya Spika Makinda  kwa sababu imetolewa kwa nia njema ya kurekebisha mwenendo wa wabunge hao ambao kwa kiasi kikubwa wamekuwa wakilalamikiwa na wananchi wengi nchini, kwa kuwa hawana majimbo.

Nasema mama Makinda amepatia kutoa ushauri huo kwa kuwa tayari wananchi wengi wakati wa mijadala inayoendelea nchini kuhusu Katiba Mpya ya Tanzania, wamesema  hawaoni sababu ya viti hivyo kuwekwa kwenye katiba ijayo.

   Inavyoelekea hapa ni kwamba Spika Makinda anajikuta katika hali ngumu kama mwanamke ambaye anataka wabunge wanawake wenzake bungeni watimize wajibu wao kwa ufanisi na kufuta dhana hasi inayoshikiliwa na baadhi ya watu kwamba wabunge wanawake siyo tu wanapendelewa, bali pia hawana uwezo naamini ndiyo maana anapenda wabunge waliokalia viti hivyo kwa muda sasa wajitayarishe kupambana majimboni ili wapate viti vya majimbo.

   Japokuwa Spika Makinda anasema atapendekeza katiba mpya iruhusu asilimia 30 ya viti vya ubunge watengewe wanawake kama ilivyo sasa, lakini asilimia 20 nyingine watengewe wanawake watakaogombea majimboni, mimi naamini Watanzania wengi watataka kusiwepo hata asilimia moja ya viti maalumu, vya nini? Labda viwepo kwa walemavu.

Napenda kuwahamasisha wanawake kwenda kuomba kura kwa wananchi kama walivyofanya baadhi yao mwaka 2010. Hatua ya wapigakura kuwachagua wanawake katika chaguzi mbalimbali kama za udiwani au ubunge ni uthibitisho tosha kwamba wanawake wanaweza kushindana na wanaume bila kubaguliwa au kupendelewa.

  Napendekeza kuwa huo ndiyo uwe  msimamo wa wanawake wote  nchini, na naamini baadhi wanakubaliana na hilo hasa  wasomi, wanachama  wa taasisi na vyama vya kijamii vinavyoshughulikia masuala ya wanawake, ikiwamo Tamwa. Kada hiyo pia inapinga uwepo wa viti maalumu na kusema wawakilishi wa wanawake bungeni kupitia viti hivyo mpaka sasa hawajasaidia kusukuma ajenda za wanawake.

Upo ukweli kwamba  wapo wabunge wachache wa viti hivyo ambao wamekuwa wakitoa mchango mkubwa bungeni, ingawa nao wameshindwa kuibua na kusimamia ajenda za wanawake na watoto.

Kutokana na hayo nihitimishe kwa kusema kuwa wabunge wa viti maalumu  wanapaswa kuufanyia kazi ushauri  wa Spika Makinda.
 
Jipu limepasuka, siwezi kuwa adui kwa kusema ukweli.

mshuwa.blogspot.com 

MUONEKANO KWA MBELE WA GAZETI LA UWAZI LEO

BASATA: VYOMBO VYA HABARI VYATAKIWA KUDHIBITI KAZI CHAFU ZA WASANII

       Mkurugenzi wa Idara ya Utafiti, Mafunzo na Habari BASATA Godfrey Mungereza akitoa ufafanuzi wa masuala mbalimbali kuhusu sekta ya muziki nchini.

Mdau wa Sanaa na mkongwe wa muziki wa dansi nchini John Kitime (kushoto) akisistiza jambo wakati akiwasilisha mada kuhusu Historia ya Muziki nchini kwenye Jukwaa la Sanaa wiki hii. Kulia kwake ni Mkurugenzi wa Idaya ya Ukuzaji Sanaa BASATA Vivian Shalua na Mkurugenzi wa Idara ya Utafiti, Mafunzo na Habari Godfrey Mungereza.


 Rais wa Shindano la Urembo la Miss Utalii Gideon Chipungahelo naye hakuwa nyuma katika kuchangia juu ya tasnia ya muziki nchini. 
Mzee Kassim Mapili aliwaeleza vijana hali ya tasnia ya muziki ilivyokuwa huko nyuma na mabadiliko yaliyopo sasa.   
Baraza la Sanaa la Taifa (BASATA) limevitaka vyombo vya habari kuwa mstari wa mbele katika kudhibiti kazi za Sanaa zisizo na maadili kabla ya kwenda hewani ili kuepuka mmomonyoko wa maadili katika jamii.
Wito huo umetolewa mapema wiki hii na Mkurugenzi wa Idara ya Ukuzaji Sanaa BASATA Vivian Shalua wakati akiiahirisha programu ya Jukwaa la Sanaa inayofanyika kila wiki kwenye Ukumbi wa BASATA ulioko Ilala Sharif Shamba jijini Dar es Salaam.
Alisema kuwa, wakati Baraza limefikia hatua nzuri ya kudhibiti hali hiyo, wadau wakuu katika kumaliza tatizo hili ni wasanii wanaotakiwa kutunga kazi bora na zenye maadili huku vyombo vya habari vikiwa na wajibu wa kuchuja kila kazi ya Sanaa inayopokelewa kabla ya kuirusha hewani.
“Basata imeshaviandikia vyombo vya habari kuvielekeza kuwa na kamati za ndani za kudhibiti maadili kwenye kazi za sanaa kabla ya hazijaenda hewani. Hili ni muhimu sana katika kujenga maadili ya mtanzania” alisisitiza Shalua.
Awali akiwasilisha mada kuhusu Historia ya Muziki nchini na hatua zake mkongwe wa muziki wa dansi nchini John Kitime alisema kuwa, kumekuwa na changamoto mbalimbali miongoni mwa wasanii wa fani hiyo hali inayoufanya usifike mbali.
Alizitaja baadhi ya changamoto hizo kuwa ni pamoja na wasanii kutozingatia sheria ya hakimiliki na hakishiriki iliyopo, kuiga midundo ya muziki kutoka nje hali inayosababisha kutokuwepo kwa muziki wenye utambulisho wa Tanzania kama ilivyo kwa
mataifa mengine ya Afrika hususan Afrika Kusini.
“Tatizo kubwa ni wasanii wetu kuiga miziki na hata tamaduni za kigeni, hatuwezi kuandaa kazi za Sanaa kufurahisha wazungu au watu kutoka nje tu, tutapotea” alionya Kitime.
Kwa upande wake Rais wa Shindano la ulimbwende la Utalii (Miss Utalii) Gideon Chipungahelo alisema kuwa, kihistoria wanamuziki wetu ukianza na wakongwe waliopo walijikita katika kuiga miziki ya Zaire hivyo kinachofanywa na wasanii wetu wa sasa ni mwendelezo tu.
“Ni wazi kazi iliyopo sasa ni kuwafanya wasanii kujikita katika utajiri mwingi wa makabila yenye midundo mbalimbali tuliojaaliwa. Hapa ndipo tunapaswa kusisitiza” alishauri Chipungajelo.
Mzee Kassim Mapili aliwaeleza vijana hali ya tasnia ya muziki ilivyokuwa huko nyuma na mabadiliko yaliyopo sasa.

MAOFISA WATATU WIZARA YA MALIASILI NA UTALII WATIMULIWA KAZI

Waziri wa Maliasili na Utalii, Balozi Khamis Kagasheki akiongea na waandishi wa habari (hawapo pichani) kuhusu uamuzi wa Serikali wa kuwafukuza  kazi  watumishi watatu wa wizara hiyo kutokana na ukiukaji wa sheria na utekelezaji wa majukumu yao ya kazi kufuatia sakata la usafirishaji wa wanyama pori  kupitia Uwanja wa Ndege wa Kilimanjaro kwenda Quatar.

Wizara ya Maliasili na Utalii imechukua hatua za kinidhamu kwa watumishi wake tisa (9) kufuatia kadhia ya utoroshaji wa Wanyamapori hai katika Uwanja wa Ndege wa Kimataifa wa Kilimanjaro (KIA) na masuala mengine yanayohusu Wanyamapori. Watumishi hao wamechukuliwa hatua husika kufuatia kukamilika kwa uchunguzi wa tuhuma zilizokuwa zikiwakabiri.
(1) Waliofukuzwa kazi kutokana na ukiukaji wa sheria katika utekelezaji wa majukumu yao ni:

    - Bw. Obeid F. Mbangwa         -    Mkurugenzi wa Wanyamapori. Wakati wa kadhia hiyo alikuwa            Mkurugenzi Msaidizi Matumizi ya Wanyamapori,

     - Bw. Simon Charles Gwera – Ofisi ya Uwindaji wa Kitalii – CITES na Utalii wa Picha Arusha,

     - Bw Frank Mremi - Ofisi ya Uwindaji wa Kitalii – CITES na Utalii wa Picha Arusha.

(2) Aliyeondolewa Cheo cha Madaraka kutokana na kutochukua hatua kamilifu za ulinzi ambazo zingeweza kuzuia kutokea kwa tukio la utoroshwaji wa wanyama ni:

    - Bw. Bonaventura M.C. Midala – Mkurugenzi Msaidizi, Undelezaji Wanyamapori. Wakati wa tukio alikuwa Mkurugenzi Msaidizi Sehemu ya Kuzuia Ujangili.

(3) Wafuatao ni Maafisa Wanyamapori Daraja la II waliotekeleza maelekezo ya Wakuu wao wa kazi yaliyo kinyume cha Sheria ambao wamepewa Onyo Kali la Maandishi:

  - Bibi Martha P. Msemo       -        Afisa Leseni, Ofisi ya Uwindaji wa Kitalii, CITES na Utalii wa Picha Arusha.

    - Bibi Anthonia Anthony – Afisa Leseni, Ofisi ya Uwindaji wa Kitalii, CITES na Utalii wa Picha Dar es Salaam.

(4) Bw. Silvanus Atete Okudo ni Mkuu wa Kituo cha Uwindaji wa Kitalii, CITES na Utalii wa Picha Arusha aliyeshindwa kufuatilia kupata maelekezo ya Mkurungezi wa Wanyamapori kuhusu mtumishi wake aliyekiuka Sheria katika utoaji wa vibali. Aidha, alishindwa kupeleka kwa Katibu Mkuu taarifa kuhusu mtumishi huyo ili achukuliwe hatua za nidhamu.

    - Silvanus Atete Okudo – amepewa Onyo Kali la Maandishi.

(5) Wafuatao ni Maafisa ambao uchunguzi dhidi yao unaendelea:

    - Bw. Mohamed Madehele – Ofisi ya Matumizi Endelevu ya Wanyamapori

    - Bibi Mariam Nyallu – Kituo cha Uwindaji wa Kitalii, CITES na Utalii wa Picha – Arusha.

Wahusika wengine katika kadhia hiyo wasiokuwa waajiriwa wa Wizara ya Maliasili na Utalii watachukiliwa hatua na mamlaka nyingine husika.

Mhe. Khamis Suedi Kagasheki
WAZIRI WA MALIASILI NA UTALII
13 Agosti 2012
(Imetolewa kwenye Press Conference iliyofanyika Katika Viwanja vya Bunge Dodoma tarehe 13 Agosti 2012)

RIPOTI HUSIKA KUHUSU MKE KUTEKETEA NDANI YA GARI KWA MOTO.

                                                 Gari ambalo marehemu Aliungua Nalo                              

TUKIO la mwanamke Rehema Nungu kukutwa ameteketea kwa moto ndani ya gari aina ya Toyota Corolla lenye namba za usajili T 883 BLA katika msitu wa Mabwepande, jijini Dar Agosti 1, 2012 linazidi kugusa akili za wengi hasa kutokana na utata wa tukio lenyewe na hii ndiyo ripoti kamili.
Taarifa zilizopenyezwa na ndugu mmoja wa Simon Sakilu ambaye ni mume wa marehemu, zinadai kuwa kabla ya tukio hilo, Rehema na mumewe walikuwa kwenye ugomvi mzito usiokuwa na dalili ya kumalizika.
MAELEZO YA UPANDE WA MWANAUME
Habari zinadai kwamba marehemu alikuwa akidaiwa fedha na mfanyabiashara mmoja (hakutajwa jina) lakini mumewe hakulijua deni hilo mpaka siku za mwisho za uhai wa Rehema ambapo hata hivyo hakumuuliza.
Aidha, ikadaiwa kwamba mfanyabiashara huyo alikuwa akimdai marehemu kwa vitisho kwamba asipolipa atamwambia mumewe, jambo ambalo mwanamke huyo hakutaka litokee.
Siku ya tukio, habari zinadai kuwa marehemu aliamka mapema na kufanya shughuli za nyumbani na baada ya muda inadaiwa alikunywa sumu ambayo haikujulikana ni ya aina gani.
Ikazidi kudaiwa kuwa baada ya kitendo hicho, mumewe alifanya juhudi za kumnywesha  maziwa ili kuokoa uhai wake lakini ilishindikana kufuatia mke kumzidi nguvu mumewe na kukimbilia kwenye gari na kuondoka nyumbani kwenda kusikojulikana.
 “Mwanamke alipokunywa sumu, mumewe (Simon)alifanya juhudi za kumpa maziwa ili kuokoa maisha yake lakini alizidiwa nguvu, mke akatoka na gari na kwenda kusikojulikana.
“Simon alikwenda kukutana na mdai wa mkewe na kumlipa fedha zake akiamini mkewe alikunywa sumu kwa sababu ya deni, baada ya malipo akampigia simu mkewe ili kumtaarifu lakini simu hiyo ilikuwa inaita na kukatika, baadaye haikupatikana kabisa,” alisema ndugu huyo ambaye aliomba hifadhi ya jina lake gazetini.
Kuanzia hapo, ndugu walianza kumsaka Rehema mpaka Agosti 2 mwaka huu habari zilipopatikana habari  kwamba kuna gari limekutwa limeteketea kwa moto kwenye msitu wa Mabwepande. Mtu aliyedaiwa ndiye alikuwa dereva naye alikuwa ameungua na kubaki majivu na fuvu likiwa sehemu ya kiti.
Hata hivyo, ndugu hawakutaka kuweka msiba wakiamini aliyefariki dunia kwa moto huo anaweza asiwe Rehema. Ili kujiridhisha na hilo, walichukua mabaki hayo na kuyapeleka kwa Mkemia Mkuu wa Serikali kwa vipimo vya DNA.

MUME ANA SIRI NZITO?
Habari zaidi kutoka ndani ya familia hiyo zinadai kuwa huenda Simon ana siri nzito juu ya kifo cha mkewe Rehema kwani haingii akilini mume kuzidiwa nguvu na mkewe wakati wa kumsaidia kumnywesha maziwa.
Aidha, mpenyesha habari huyo aliendelea kufunguka kwamba ilikuwa ni kawaida kwa wanandoa hao kutibuana na mke kwenda anakojua hata kwa siku tatu bila mwanaume kujishughulisha kumtafuta.

MAELEZO UPANDE WA MKE
Agosti 6, 2012  mapaparazi wetu walifika nyumbani kwa marehemu Rehema, Mbezi Beach, Dar na kukuta watu wachache ikidaiwa hali hiyo ilitokana na wengi kutoamini kama Rehema alifariki dunia. Mume wa marehemu hakuwepo msibani hapo bila kujulikana alikokwenda.
Alipotafutwa ndugu wa marehemu kuzungumzia suala hilo, kila mmoja aliruka na kudai mwenye uwezo wa kuzungumzia jambo hilo ni mama mzazi ambaye naye aligoma kusema lolote.
“Mwenye uwezo wa kuzungumzia suala hilo ni mama mzazi lakini amegoma kwa madai kuwa hawezi kuzungumzia jambo hilo kwa vile  anahisi kuna mchezo mchafu umefanyika,” alisema ndugu mmoja.
Hata hivyo, mtu mmoja wa karibu na familia ya marehemu alisema kuwa habari kamili juu ya msiba huo zitapatikana mara baada ya kupata vipimo kutoka kwa mkemia mkuu kubaini kama kweli aliyekutwa ameteketea kwa moto ndani ya gari ni Rehema.
“Ni vigumu kulizungumzia suala hili kwani linatatanisha, unaweza kusema aliyekufa ni Rehema na matokeo ya mkemia mkuu yakitoka yakaonesha tofauti, inaweza kuleta shida, tusubiri majibu kwanza,” alisema mtu huyo bila kutaja jina lake.

MAJIBU YA MKEMIA MKUU YATOKA
Agosti 10, 2012 mmoja wa ndugu wa marehemu alimpigia simu mwanahabari wetu na kumweleza kuwa majibu ya Mkemia Mkuu wa Serikali yametoka na kubaini kwamba aliyekufa ni Rehema Nungu.
“Kama unavyosikia vilio hivyo, nipo msibani, majibu ya mkemia mkuu yamebaini aliyekufa ni Rehema Nungu, taratibu za mazishi zinafanywa sasa ila naomba muende nyumbani kwa Simon mtapata habari kamili,” alisema ndugu huyo na kusisitiza kuwa kama msiba utafanyika kwa mume wa marehemu, hawatakwenda ila watakwenda makaburini tu.

NYUMBANI KWA SIMON
Baada ya kupata taarifa hizo, waandishi wetu walifika nyumbani kwa Simon, Tegeta Nyuki, Dar na kumkuta msemaji wa familia hiyo aliyejulikana kwa jina moja la Dedu.
Dedu alipopewa pole ya msiba na kutakiwa kueleza sababu za kifo cha marehemu, alisema waulizwe polisi yeye hawezi kusema chochote licha ya kukutwa na picha ya marehemu mkononi.
“Siwezi kusema chochote, kamuoneni Kamanda wa Polisi Mkoa wa Pwani ana habari zote za msiba huu, naomba mniache niendelee na taratibu za hapa,” alisema Dedu.

HUYU HAPA KAMANDA WA MKOA WA PWANI
Agosti 10, 2012 mwandishi wetu alitinga katika ofisi ya Kamanda wa Polisi Mkoa wa Pwani, Ernest Mangu kwa lengo la kujua chochote kuhusu kifo cha mwanamke huyo lakini hakuwepo, ikabidi apigiwe simu yake ya kiganjani ambapo alikuwa na haya ya kusema:
“Ni kweli majibu ya tukio hilo yametoka, mtu aliyeteketea kwa moto ndani ya gari ni Rehema lakini sipo katika nafasi nzuri ya kuongea kwani niko Muhimbili nashughulikia majeruhi wa ajali ya wanakwaya wa kutoka Kenya.
“Hata kesho (Agosti 11) sitakuwa ofisini kwani nitakuwa bado nashughulikia suala hilo, waliofariki ni raia wa nje hivyo ni vyema nikahakikisha wanasafirishwa kurudi kwao,” alisema Kamanda Mangu.

UTATA
Asubuhi ya Agosti 11, 2012, wanahabari wetu walidamkia nyumbani kwa Simon ili kutaka kujua taratibu za mazishi.
Nje ya nyumba alikuwepo Dedu na mzee mmoja ambaye hakutaka kutaja jina lake, akasema yeye ni makamu mwenyekiti wa kamati ya mazishi. Wawili hao waligoma kuongea chochote kwa madai yaleyale, suala liko polisi.
Hata hivyo, muda huohuo simu ya Dedu iliita, alipopokea ilionekana kupigwa na ndugu mmoja wa marehemu ambaye alisema mazishi ya mabaki ya mwili wa Rehema (fuvu na majivu) yangefanyika Jumamosi au Jumapili iliyopita lakini baada ya kupata kibali kutoka kwa mkemia mkuu.
Baadaye habari kutoka ndani ya familia ya Rehema zilisema kibali cha kuzika masalia ya mwili wa marehemu kilikuwa kipatikane jana Jumatatu.
Marehemu Rehema ameacha watoto wawili, Ngimba na Muheri.

MKE AMUIBIA NYETI MUME WAKE.

UNAWEZA usiamini lakini ukweli ni kuwa Juma Ali (48), mkazi wa Mtoni jijini Dar es Salaam amedai kwamba mkewe, Hadija Chande (40) (pichani) amemchezea kishirikina, hivyo kujikuta hana nyeti ya kiume.
Taarifa kutoka katika vyanzo vyetu vya habari zimedai kwamba Ali kwa sasa hana uwezo wa kufanya tendo la ndoa kwa kuwa nyeti yake imetoweka kimiujiza na shutuma zote anambebesha mkewe kwamba ndiye aliyefanya ‘mchezo’ huo.
Habari zinadai kuwa kutokana na hilo, kumezuka mgogoro mkubwa kati ya wanandoa hao kwani mume amekuwa akimdai mkewe  arejeshe nyeti yake, jambo ambalo halijawezekana.
Imedaiwa kuwa Hadija, mara baada ya kufunga ndoa na Ali mwaka 1996 alikuwa na wivu wa kupindukia, hivyo kuamua kutafuta dawa na kumfanyia mumewe ili ndoa yao izidi kuimarika lakini mara baada ya kutenda alichoambiwa afanye kama dawa, nyeti ilitoweka na kubaki na ‘kipande’ kidogo cha kusaidia kutoa haja ndogo.
“Kutokana na madai ya Ali, mkewe aliamua kufungasha virago na kutoweka nyumbani na kwenda kusikojulikana wakati mumewe yupo kazini,” kilisema chanzo.
Gazeti hili baada ya kusikia habari hizo za kushangaza, lilimtafuta Ali ambaye baada ya kuulizwa kuhusu mkasa huo alititirisha maneno kama ifuatavyo:
“Ni kweli hayo uliyoambiwa. Kwa sasa ninachomdai mke wangu aliyetoweka ni nyeti yangu, naomba anirudishie kwani ufumbuzi wa mgogoro wetu hauwezi kupatikana kamwe kama hatazirudisha.
“Hapa unaponiona ndugu mwandishi mimi siyo mwanaume tena. Sina ‘kitu’, hapa kimebaki ‘ kipande’ kama kalamu ambayo haifanyi kazi yoyote. Mke wangu nilipomuoa alinikuta nina watoto sita niliozaa na mke niliyemuacha mwaka 1994, sasa hivi siwezi kufanya tendo la ndoa.
“Mgogoro wa kutoweka na nyeti yangu ulianzia mke wangu alipoanza kunilalamikia kuwa natembea nje ya ndoa na akaniahidi kuwa ni lazima atanidhibiti. Madai yake niliyapinga lakini nguo zangu za ndani zikaanza kupotea. Nilipomuuliza alisema angeninunulia nyingine, nilikuwa na mashaka naye, nikamuomba anirudishie lakini hakufanya hivyo.
“Mara tu chupi zangu zilipoanza kupotea, nikawa sisikii hamu ya tendo la ndoa. Mwezi uliopita, nyeti yangu ikawa imetoweka, nilipomuuliza akawa mbogo. Ilipofika Julai 28, mwaka huu, saa sita mchana, nilitoka kazini na kurudi nyumbani lakini sikumkuta mke wangu na nguo zangu za ndani na soksi hazikuwepo pia.
“Licha ya nguo, picha zangu nazo alizichukua na nilipomuuliza mtoto wangu Karim akasema mama yao amesema kabeba vitu vyake vyote ndani ya nyumba na hakumuambia anakokwenda.
“Nilikaa siku tatu, nikaamua kwenda serikali ya mtaa wetu ya Mtoni na wakanishauri nikaripoti polisi ambako nilipokwenda walifungua jalada namba namba MTG/RB/2054/2012. Polisi waliniambia nitakapomuona popote niwaarifu ili wamkamate.
“Nilisafiri kwenda mikoani na niliporudi nilikuta barua kutoka Baraza Kuu la Waislamu Tanzania (Bakwata) wilayani Temeke ikinitaka niende katika ofisi zao kwa kuwa mke wangu kafungua shauri la kutaka talaka, jambo nililogundua kuwa alishauriwa na rafiki zake ili nimpe nyumba.
“Najua kilichomtoa mke wangu nyumbani ni kushindwa kunirejeshea nyeti yangu, hapa ameshaniua hivyo siyo rahisi kwake kurudi kwani hatafurahia tendo la ndoa. Ili kesi hii iishe sharti ni moja tu kwamba anirudishie nyeti yangu,” alisema Ali.
Mke wa Ali, Hadija alipohojiwa kuhusu sakata hilo alikuwa na haya ya kusema:
“Mbona na mimi sizai na sina hata mtoto wa dawa? Kuhusu kwamba nimetoweka na nyeti yake ni kwamba mimi sijui mambo hayo, asinifuatefuate.”
Mjomba wa Hadija, Abdalah Chande alipoulizwa kuhusu sakata hilo, alikiri kuelezwa na Ali kuhusu mgogoro huo na kudai kuwa alimzushia kuwa yeye ndiye anayemharibu mpwae (Hadija) na akampiga marufuku kukanyaga nyumbani kwake, akaahidi kushirikiana na baba yake mdogo kutatua tatizo hilo.
Baba mdogo wa Hadija  aliyejitambulisha kwa jina moja la Juma alipoulizwa kuhusu mgogoro huo alisema hautambui lakini alimlaumu mwanaye huyo kwa kupeleka shauri hilo Bakwata kabla ya kulifikisha kwake.

VODACOM FOUNDATION RAMADHAN CARE & SHARE YAFUTURISHA NA KUTOA MISAADA MKOANI LINDI‏

 


 

 

NYWELE ZA NAOMI KUMBE MMMHH!

  mshuwa.blogspot.com

















  BAADA ya kuonekana mrembo kwa miaka mingi, mwanamitindo mkongwe Naomi Campbell, wiki iliyopita aliwashangaza wengi baada ya kubainika kuwa sehemu kubwa ya nywele zake kichwani hasa sehemu ya mbele zimenyonyoka na anastiliwa zaidi na nywele za bandia.
Picha za muonekano wa modo huyo mwenye umri wa miaka 42 zilinaswa wiki iliyopita alipokuwa amemaliza kuogelea katika pwani ya Ibiza.
Mara baada ya kutoka kwenye maji, muonekano wa kichwa chake kilicho ulionekana vizuri kwa kuwa nywele zilikuwa zimelowa maji. Kwa miaka mingi Naomi amekuwa akionekana na nywele za bandia, hivyo kitendo cha kuonekana hivyo kiliwashangaza wengi.